AF222a: 103v

maṭlab // ḥayāda [!] ṭaş ve qan işeyen
bir kimsenüñ ḥayāsında [!] ṭaş olsa sırcaʾı dögüb aq türābile içeler qavuqda ve ḥayāda [!] olan // ṭaşı defʿ ėde * nevʿ‑i dīger qan işeyene devā(ya) ṣarımsaġı qabuġıyla maʿan dögüb ṣu ile // üc gün qaynadub her ṣabāḥ ve her aḫşam marīże içüreler defʿ ola * nevʿ‑i dīger // dārçīn ve rāvend‑i Çīnī bögrek ve qavuq aġrısına yėmek nāfiʿdür nevʿ‑i dīger çörek otını // dögüb ıssıcaq ṣuʾile ezüb içüreler qavuqda olan ṭaş defʿ ėder * nevʿ‑i dīger turb // toḫumın ezüb içüreler * nevʿ‑i dīger gügercin necāsetin ber‑ā‑ber şekere qatub ṣu‑yile // ezüb içüreler ṭaşı eride * fe‑ammā maʿṣūma buçuq dirhem büyük ādeme bir dirhem gerekdür // nevʿ‑i dīger yarasanuñ beynisin ṣuʾile pişürüb muḥirren olduqda sidügi ṭutulana ẕekerine // sürse fī l‑ḥāl acıla * nevʿ‑i dīger sidüginden damla ile gelene qoz yaġı içüreler nāfiʿdür * // nevʿ‑i dīger sidügi ṭutulana ṣaqsaġan beynisin içüreler * ve bir kimsenüñ qaṣuġında taş // olsa kebūter necāsetin şeker ile ber‑berā [!] yuqaruda ẕikr olınduġı üzre * ve sidügi ṭutulan // ādeme gerekdür ki kāfir lisānınca qupine dėrler bir otdur siyāh çiçekleri olur meẕkūr // otın [!] kökin qızup ṣu ile pişürüp ayaza qoyup üç geçe ayazda ṭuta // dört ṣabāḥ ac qarnına içüreler fāʾide ve bir kimsenüñ sidügi yolında ṭaş olsa // bir tilkü boġazlayup qanından bir qaşıq içüreler eride inanmayan ẕikr olınan // qanın icine ṭaş qoya nice eride * ve bir kimsenüñ sidügi yolında aġrısa ḫatme yapraġuñ [!] // bal ve yaġ ile yiye yolı acılub aġrısı gide Tatar qurdı ve göbek cözülmesi // Tatar qurdına ṭavşan ödin bütün yuta ṭutduġı zamānda ayrıq ṭutmaya āteşe yanmış // ādeme ʿilāc budur bir qaşıq zeyt yaġı ve beş qaşıq yoġurdı bir qabda muḥkem dögüb // çalqayub baʿdehū bir pāk yüñ ile ol yanan kimesneʾi yaġlayalar günde bir niçe kerre ve gėcede // daḫı baġlayalar ammā ol yaġladuġı yoġurdı qoparmaya zīrā yoġurdı altında inceçik deri // baġlar ve tamām ṣaġılcek [!] yoġurd gendi düşer on beş güne degin varmaz anadan ṭoġma